لو أنت من الاشخاص اللي مش بيعرفوا يعيشوا من غير هيدفون و بيصرفوا تلت ثروتهم عليها فالموضوع الجاي دا ليك :")
"SONY" الشركة العريقه المعروفه طورت نوع جديد من السماعات و سمتها *WF-1000XM3*بس هل هي سماعه زي أي سماعه ؟!
طيب عشان نعرف دا احنا هنقسمها لمميزات و عيوب
اولا : المميزات
1- في الشكل فهي مميزه جدا من ناحية التصميم و مصممه عشان تريح الاذن و تستقر فيها
2- امكانيه عزل الضوضاء عن الصوت اللي عايز تسمعه اذا كان اغنيه او كتاب او قران او حتى ريكورد و تقدر تلغي الاصوات اللي حواليك سواء في مواصلات او كافيه او شارع و دا بفضل المعالج اللي بيعالج الصوت دا و يلغي الضوضاء
3- من مميزاتها بردو انها wirelessو دا مريح جدا خاصه مش هتتعب في لف السلك او حتى مش هتشيل هم انه يتقطع
4- و ايضا فيها ميزه سهوله التحكم في وقف الصوت بحيث انك تقدر بضغطه واحده ع السماعه هتعمل Pause للي بتسمعه و بنفس الضغطه تشغله تاني
5- و من مميزاتها انها تقدر تشتغل لمده ٦ ساعات بالاضافه ان الحافظه بتساعد انها تستمر لمده ١٨ ساعه اضافية
ثانيا : العيوب
1- من عيوبها انها مش بتتحكم في مستوى الصوت و دا بيجبرك ان يكون الموبيل قريب منك عشان تتحكم فيه
2- و بردو مشكله ان شحنها مش بيكون wireless زي عملها
3- بالاضافه انها زي اي سماعه مش بتشتغل على جهازين في نفس الوقت
4- و من العيوب ان الماء ممكن يبوظها و دا مش بيسمحلك انك تستخدمها في الجيم او ايام الحر عشان العرق
__________________________________________
بس على كل حال هي نوع يستحق انك تشتريه و Sony أكيد هتعدل الاصدارات الجايه و تصلح كل العيوب ديه و دا جزء من تجارتها أكيد
المصدر.
ليست هناك تعليقات:
إرسال تعليق